O percal, o tergal e o lyocell

Está Galicia que arde, on fire tamén en primavera porque nos queren calzar unha celulosa no centro do país, a carón dun gran río que desemboca na Arousa, a ría máis grande e produtiva que nos queda. Semella unha broma pesada. Un insulto á intelixencia cincuenta anos despois de que ENCE fodese de vez a ría de Pontevedra e cunha crise ambiental e de produción de marisco insoportable. Hai canto que non vedes ameixa fina ou babosa no super ? E desde cando os berberechos ou os caramuxos van a 17 ou 12 euros se os hai? Contoume meu pai que cando ENCE se quixo implantar en Galicia houbo pelexas entre Vigo, Redondela e Pontevedra porque todos querían esa suposta gran industria. Gañou Pontevedra porque tiña máis influenza política. Pasados uns anos en Vigo escachaban pola podremia do cheiro e da contaminación e pensaban ala por listos!! Sei tamén que houbo protestas en Lourizán das mariscadoras que foron malladas pola policía franquista e tamén en Ourense. Pasou medio século e algún cerebro GRIS no peor sentido da palabra decidíu por qué non? que era boa idea meter na Ulloa unha celulosa máis grande cuxo fluxo desemboque na Arousa. E darlle unha forte subvención de cartos públicos. Por qué non? Barra libre! É unha absoluta broma macabra. Una factoría que non queren en Portugal, país de orixe da empresa. A ver se algún goberno amigo para este absurdo delirio. Por qué o fan? Qué lles aporta? Negociaron postos no consello de administración? Só hai que ver quen senta nas cadeiras do consello de administración de ENCE. Postos hiperbenpagados de xente que non fai ren. Pero quén paga a factura, nós os galegos e o noso medio natural e é un prezo demasiado caro para nós!