Os descendentes da Collona…

... falo demoradamente na radio con Fiz Axeitos da Asociación do barrio histórico. Do Vigo vello, da festa da Reconquista. Das cantadeiras do Berbés e da lea que se montou na internet por unha canción sobre o famoso incendio da Porta do Sol en que se mencionaba unha froitería e o quiosco do maricón, moi famoso en Vigo no tempo dos nosos pais e avós. E nunha páxina de facebook alguén se mosqueaba porque era o neto da froiteira ou do maricón non sei. E a rebufo disto dime Fiz . Sí, sí a xente protesta. Hai nada chamounos un descendente da Collona? Cómo descendente da Collona se a ela lle gustaban as mulleres? Pois non sei, sería sobriño ou sobriño neto pero nos chamou para dicirnos que non tomemos o seu nome en van!!!