Vistas de página en total

martes, 8 de junio de 2021

Gina, Peregrina López Ochoa. As heroínas de San Simón...

Aí está Gina, a Baldiña nun lugar que ben merece. Igual cando leades estas liñas xa está a exposición na praia de Cesantes. Ó redor de medio cento de mulleres de Cesantes visitaron, levaron víveres ou lavaron a roupa dos presos políticos do cárcere de San Simón, non eran os seus fillos, nin os seus mozos, nin seus pais. Foi un labor solidario para non deixalos tirados. Ás veces as " madriñas" ou "lavandeiras" tamén lles escribían cartas para facerlles compaña. Co seu labor altruísta e xeneroso estaban expostas á mirada inquisidora do réxime. Pouco lles importou. Coido que a axuda non se debía a compromiso político senón á gran xenerosidade destas mulleres. Unha dela próxima ó Bar Tranquilo de Cesantes aínda vive. A avoa de Maica Cabaleiro finou case ó tempo de inaugurarse esta exposición. Merecían esta homenaxe que as trae a dous lugares centrais de Redondela. Eu coñecín a unha delas a Peregrina López Ochoa, Gina. Ver a súa foto fronte ó concello retrotraeume a outro lugar. Gina era aquela nena lista de Cesantes que foi á escola de Angelita Cifuentes, se cadra non puido estudar moito pero nunca perdeu a súa relación coa mestra. Mariscadora, labrega, nai ( mesmo deses dous nenos con tifus da foto que acabaron morrendo) avoa namorada do Pedriño, xornaleira na vendima y mil cousas máis. Por fin ela e todas as da súa xeración reciben a homenaxe merecida. Eu coido que aínda se debe escribir a súa historia. Cómo coa súa axuda, cariño, e servizo moitos presos puideron sobrevivir ou vivir en mellores condicións. Algunhas daquelas mozas chegaron a casar con aqueles homes aos que tanto axudaron. As últimas de Cesantes aínda están bastante preto de nós e merecen unha homenaxe mellor.Se cadra nun libro ou no vello cárcere da Illa de San Simón
Publicado por en

No hay comentarios:

Publicar un comentario

Suscribirse a: Enviar comentarios (Atom)