As sombras de Grey en Vilagarcía

Hai cousas que só poden pasar na Arousa, que son moi propias dos nosos Vila's People. Que Xurxo García queira abraiara dúas chatis e as leve a cear desde Vila a Portonovo en helicóptero, iso nin sequera o Christian Grey.Pero aquí na Arousa todo é un botar por fóra.Se custou máis a gasofa que a mariscada!!E non pasaría nada, e non se enteraría ninguén se no camiño de volta non se esnafran no Monte Lobeira.Eu a verdade non sei para que a xente esta quería a vía rápida se xa teñen aerotaxi de seu!!!

Lucky Luciano, o americano, o rei dos "huevos fritos"

Non é unha nova franquía de comida rápida españolizada, non é o Kentucky Fried Chicken español,nin o Peggy Sue´s galaico nin o Tommy Mel´s cañí. É a nova receita típica arousá. Ata agora ós narcos facíanlles como ós polbos:mallar neles, cortarlles un dedo o facer un rolo de carne rechea de queixo:meténdolle na boca os seus escarpíns. Agora a receita é outra, herdeira das novas franquías e da comida rápida: "ovos fritidos", os do narco vilanovés José Luciano Núñes, alias Lucky Luciano.