Últimos días en Almirante Vierna Spa Resort

Qué xeito máis lindo de despedirse do noso mítico hospital que pasar uns días nel, antes de que peche. Antes de que a cafrada se consume.Estará toda triste Esperanza Aguirre porque a ela non se lle ocorreu pechar La Paz nin o 12 de Octubre para substituilos por esa rede de hospitais de pichiglás que ela creou na Comunidad de Madrid. Terá ousadía Feijóo de pechar o Juan Canalejo que tamén é moi vello,e o resto de hospitais da Coruña para substituílo por un gran hospital de atención pública e capital privado en Penamoa ou Arteixo? Non tal, son cousas que só pasan aquí en Vigo. O desastre avecíñase. As resonancias vanse facer nunha unidade móbil, nun camión en Beade como se fose o camión-escenario da Panorama. Por qué non as deixan no Meixoeiro? canda o laboratorio? Cómo lles gusta o " pendellismo" e o feísmo e a estética de cortello á xente esta!!! E qué vai pasar cando che fagan unha análise en Beade e a teñan que revisar en Bembrive ( Meixoeiro) e haxa atasco ou accidente? Iso tanto dá! " Despedida y cierre", eso es lo que les va! Oxalá nós tamén podamos despedir a alguén e pecharlle o negocio en outubro do ano que vén. Mentres tanto pasamos os últimos días no Almirante Vierna Spa Resort con permiso de Manuela Carmena.