Algo da nosa alma afúndese en cada naufraxio. Pasounos co Sen querer II e pásanos co Rosa. En menos de oito días asistimos a tres naufraxios. Dous na ría de Pontevedra moi preto de Ons e outro en Costa de Marfil : o Albacora VI sen vítimas.
En Ons no pozo próximo ó illote do Centulo o irmán maior de Harri sacouno do fondo do mar, alí estaba unha ducia de metros mar abaixo entre o Centulo e Faro Camouco na cara norte de Ons. Os efectivos de Salvamento non saíron o venres porque facía mala mar.
Harri non foi quen de nadar esa hora e media que nadaron os demais. Quedou alí , nun paraíso que ás veces trasmuta en inferno.
Conta unha vella lenda que un túnel vai desde o Illote Centulo á Punta Faxilda en Sanxenxo , oxalá fose verdá* e o noso naufraxio ficción.
