"Para as medras", a volta ó cole

Cada finais de agosto probabamos o uniforme vello do colexio, aquel saial azul, de monxa junior.
As camisas brancas amarelecidas no armario, encouradas ou rozadas que se decidía desbotar ou non.
Baixar ou non a "bastilla" daquel horrendo uniforme azul en formato peto, sempre máis longo do necesario, que xa queda para "as medras" dicía a miña avoa toda profesional.
Logo os zapatos que dun uniforme foron gorilas marróns con cordóns e escarpíns a xogo. Logo un grupo de nais horrorizado convenceu ás monxas para cambialos a escarpín brancos e mocasíns negros, que xa foi un paso adiante.
E así todos os anos: o mandilón branco ou de cadros, as cintas co nome ou co número de alumna é aquel chandal azul con raias brancas laterais, que agora é  cool, é tendenza; xa ven: todo volve!,,