Galicia 2020

Non puido ser, xa parecía que non ía ser.Con tódalas enquisas en contra.Co PSOE e as Mareas- Podemos a coiteladas, cun BNG morto.E agora xa xabedes catro anos máis de gasosa, que parece que é o que mola, máis que a Mahou, a Estrela Galicia ou a Fanta laranxa. Saben o peor?Que coido que a xente no se equivoca. Un pouco de intoxicación, moito de batallas fraticidas entre a esquerda alimentadas ou favorecidas por algúns... e aí os tedes catro ano máis. Igual os outros deberían botar contas e preparar unha alternativa solvente para 2020 e así mandar a casa a Feijóo a coidar do rapaz que para daquela xa tería 4 aniños.

Ás voltas coa rotonda

Unha rotonda, redonda,glorieta centra o alto debate político e toda a contestación civil da cidade de Vigo. Voltas e reviravoltas a unha mísera rotonda na que o BNG dá voltas como un hámster, como un burro atado a unha noria, como a roda do muíño de Xil Ríos. E así tódolos días. E tamén un barco, un barco como o Prestige no que afundir a un alcalde, pero non sempre é tan doado. Non son xente abonda, non teñen tanta razón. E aínda que o barco é unha marulada, aínda que non sexa unha prioridá. Aínda que nunha sociedade avanzanda as persoas sexan antes que as cousas,aquí o único que hai é unha campaña do BNG para proxectar a un candidato que estivo a prol da fusión das caixas. Hai xente de ben que apoia esta protesta,pero un fedor político tumba que marea,e a atención mediática só demostra que aquí o obxectivo non é mellorar a vida de aqueles que menos teñen.

Botaremos de menos a Santi Domínguez

O primeiro recordo que teño de Santiago Domínguez é o dun home en chándal cos seus alumnos do Colexio da Guía, visitando a aula etnográfica do pan ou do mar que había en Coruxo; xa era concelleiro da oposición aínda que non estaba liberado, sería polo 95 ou 96. Sempre foi un tipo próximo, cercano e simpático, que sorría con naturalidade e que tiña ilusión por moitas cousas. Fartos da soberbia e da incompetencia que na política local houbo, Santi Domínguez tiña un discurso próximo e facía unha política creativa: "seareiros",locais de música, deportes... erros tamén tivo e clamorosos como a Universiada ou a aposta polo bus eléctrico do barrio vello que nunca funcionou. Pero penso que tivo máis acertos: oficina dos voluntarios cando o Prestige, Programa Camiña e coñece que o PSOE copiou e seguro que esquezo mil cousas máis. Vigués de verdade, porque naceu en Vigo Santiago Domínguez segue botando a partida cos amigos onde sempre. Tamén ten como todos unha lenda negra, que se cadra o humaniza máis. A proximidade e o espírito dialogante de Domínguez fixeron del o mellor candidato que o BNG tivo, pero xa estaba no peor partido, nun partido en declive que xa perdera o timón. Un partido que tivo a sorte de gobernar Vigo e que o fixo ben, pero que quixo sumarse ó carro "desarrollista" do PP, escourar á dereita, gañar cartos co urbanismo; e un partido que non puido soportar que Ventura Pérez Mariño gañase a alcaldía. Tanto lles fodeu que o venderon pactando por detrás para soster a Corina Porro e gobernar desde fóra. Ese foi o gran erro do BNG de Vigo. Supoño que Santi se puido opoñer a aquela política errática, pero case ninguén nos partidos o fai. Outros menos brillantes como Castrillo ou Porro gobernaron Vigo; outros menos simpáticos gobernan agora. Botaremos de menos a Santi, o problema do BNG non é Santi, que é se cadra o seu mellor valor. Agora é preciso que os nacionalistas de Vigo elixan moi ben o seu próximo candidato porque probablemente será o único concelleiro que conserven en Vigo

O bluf do BNG

O BNG foi durante moitos anos en Galicia o símbolo de que outro país era posible. O respecto polo idioma, pola paisaxe, a ética e a nobleza.
Logo do seu paso polo goberno galego viuse que non era así. Moitos dos que votaban outras opcións políticas respectábano e aprezábano. O BNG esmagou esa ilusión colectiva co seu paso polo goberno. Políticas desarrollistas en Vigo da man do PXOM. Políticas caciquís de Quintana e grisura intelectual.
Enchufismo e nepotismo salvaxe nas áreas que gobernaron: consorcio do Benestar, Xacobeo, e concurso eólico.
Aberrante política de comunicación co lanzamento de xornal a través dun construtor-amigo.Das chamadas ás redaccións de Antón Losada prohibindo cubrir actos ós medios que non daban a información como eles querían.
O paso do BNG polo goberno galego ten un recordo lamentable. Con el na área de industria vendeuse FENOSA e FADESA e nunca se chegou a facer o centro de reparación naval na ría de Vigo que tanto se anunciou. A súa política agraria a prol da pataca ou do leite dos que tanto falaban na oposición non se mirou. A política forestal ídem.
O cátering para os vellos, e as festas amenizadas por Piñeiro ó ritmo de pasodobre completaron a astracanada. Houbo ademais vellos secuestrados en plena campaña, obrigados e enganados a asistir a un mitin de Quintana nun coñecido hostal de Oia.
A gran clave da non reedición do bipartito foi a nefasta política do BNG que obtivo a súa recompensa nas urnas.
E así vai en caída libre. Co apoio do seu brazo sindical que só defende ós posuídores do carnet da estrela.
Mataron ó gran mentor, a Beiras. E o partido esfarélase: Movemento pola base, Irmandiños, Máis BNG, BNG auténtico e mil grupúsculos máis. Longa vida ó BNG, alí na oposición!

As reviravoltas ideolóxicas do Superpequerrecho

Antes era do PP a morte como se non existira outra opción, pero o cambio de goberno fíxoo do bloque a morte, que curioso. Antes comía con delegadas de cultura como Rosana e agora non hai sarao benegallo que se lle resista.
Parece que coas rebaixas vén ben un cambio de chaqueta. Que vaia mercando outra porque agoran veñen as eleccións e se cadra gañan outros e entón ó mellor en vez de se-lo bardo das políticas de benestar tense que implicar na ordenación do territorio. Ai que dura é a vida!! Xa o dicía o outro, programa, programa, programa.