TVG, a tele que ninguén ve?

É a TVG a tele que ninguén ve? Porén por qué todos nos coñecen mesmo en entornos urbanos e de fala castelá?
A tele que ninguén ve, pero en que todos queren saír.
Mesmo o gran prócer di que non a ve, aínda que é o que máis sae nela. Hai anos cando estaba ma oposición dicía: “ non me sacandes nada” iso é o que me di meu pai.
Claro, a xente coñécete porque alguén llo dixo porque o víu súa nai ou seu pai ou ese amigo que todos temos é que é o alter ego de nós.
- Dime, cándo empeza Serramoura? É para un amigo.
- Dime por qué non saíu nada das preferentes? Cadroume facendo zapping.
- Qué bonito é o anúncio do Gadis, vino na internet.
 E todos vemos a TVG, aínda que algún o faga ás agachadas ou porque lla pon a avoa ou a nai.
E outros, moitas vemos a TVG porque nós peta porque dá información de proximidade ou rural, porque dá moitos sucesos é porque en moitos sítios non se ve outra.
Vea moita xente que quere informarse en galego, ver series como Serramoura, Rías Baixas, Mareas Vivas ou Terras de Miranda.
Porque nos gusta Zig-Zag ou nos gustaba Miraxes e tamén Alalá.
Porque a nosa canle vertebra a industria do audiovisual, foi escola de técnicos e berce de actores : como Martiño Rivas, Carlos Blanco, Morris ou Tosar ou plataforma para Ernesto Chao con permiso do Correo Galego claro😥.
A galega tamén fixo posible que puidésemos gozar de Fariña en Antena 3. E aínda a veríamos máis se fosé como a BBC, se nela puidesemos ver os nosos incendios, a crise das nosas empresas ou escoitar a oposición.
E queremos seguir vendo a galega, porque é a nosa porque se financia cos nosos impostos porque pode seguir xerando riqueza para o país.
E porque malia que moitos van de guai, e só ven Netflix ou HBO, sempre te preguntan por qué quitaron Matalobos? É para un amigo...

Vidago Palace!

Hoxe presentouse na sede portuense da RTP, unha nova serie da galega en fase de preprodución. É a primeira serie coproducida entre CRTVG e a RTP. Dacabalo entre "Gran Hotel" ou " O tempo entre costuras"a nova serie de seis capítulos comezaráse gravar en outono no Hotel de Vidago. Ambientada en 1936 cunha España en guerra, o hotel portugués servirá de pano de fondo de teatro de operacións, para narrar un tempo político, co Portugal de Salazar e cómo non unha gran historia de amor imposible e desigual. É a historia do Pedro e da Carlota que comezan un " namoro imposibel" por mor das diferenzas sociais.Producida ademais de polas canles, tamén pola galega Portocabo e a portuguesa Hop a nosa serie que aínda busca protagonistas xa se vendeu en Italia, Polonia e á Produtora Lagardère. Nas nosas pantallas poderáse ver a partir xa de 2017.

Quen matou a Mónica Triáns?

Aínda non se sabe, como tampouco soubemos ata o final quén matou a Laura Palmer ou se Harry Quebert foi o asasino de Noa.O asasinato de Mónica Triáns é o fío condutor da nova serie da Galega Serramoura, cunha trama adictiva e grandes interpretacións.A serie lembra tamén á española "Desaparecida" na que en cada capítulo o asasino parecía ser un personaxe diferente.Aquí o misterio tamén pivota sobre identidade de Mónica Triáns, quen era realmente e quen coñecía en Serramoura a súa orixe.A ficción está dirixida por Miguel Conde, curtido en Produtora Faro e director tamén da precuela de Gran Reserva, que tan boa foi e tan pouco éxito tivo, ao se programar nas sobremesas dun verán. O traballo actoral é soberbio cun elenco en que destacan Isabel Naveira no papel da muller do principal sospeitoso,Lucía Regueiro, axente da garda civil e irmá da anterios e finalmente Xosé Barato, expresentador de " Historias de Galicia" e especializado xa en home " maltratado" polas súas parellas, antes en Matalobos e agora en Serramoura,e así pasan os días, ata que saibamos por fin quén era e quén matou a Mónica Triáns.