Quen matou a Mónica Triáns?

Aínda non se sabe, como tampouco soubemos ata o final quén matou a Laura Palmer ou se Harry Quebert foi o asasino de Noa.O asasinato de Mónica Triáns é o fío condutor da nova serie da Galega Serramoura, cunha trama adictiva e grandes interpretacións.A serie lembra tamén á española "Desaparecida" na que en cada capítulo o asasino parecía ser un personaxe diferente.Aquí o misterio tamén pivota sobre identidade de Mónica Triáns, quen era realmente e quen coñecía en Serramoura a súa orixe.A ficción está dirixida por Miguel Conde, curtido en Produtora Faro e director tamén da precuela de Gran Reserva, que tan boa foi e tan pouco éxito tivo, ao se programar nas sobremesas dun verán. O traballo actoral é soberbio cun elenco en que destacan Isabel Naveira no papel da muller do principal sospeitoso,Lucía Regueiro, axente da garda civil e irmá da anterios e finalmente Xosé Barato, expresentador de " Historias de Galicia" e especializado xa en home " maltratado" polas súas parellas, antes en Matalobos e agora en Serramoura,e así pasan os días, ata que saibamos por fin quén era e quén matou a Mónica Triáns.

Matar a San Francisco

Hai 50 anos naceu en Vigo a Asociación San Francisco de Pais de Discapacitados Intelectuais.Durante todos estes anos prestou un apoio a eses rapaces agora adultos:formación, profesionalidade, talleres, un contorno amable para eses alumnos. En todos estes anos fixo un labor espectacular, e facilitou a vida destas persoas e das súas familias.Agora a Xunta teima e sacar a concurso ese servizo para llo dar a unha empresa privada sen ningunha experiencia con estas persoas, no mesmo recinto onde esa mesma empresa xestiona un xeriátrico.O concurso fallouse antes de que as novas instalacións desa empresa axeitadas para discapacitados intelectuais estean rematadas ,aínda se están construíndo.O Valedor do Pobo fixo un informe contrario a esa adxudicación, o tribunal de contratos tamén pero a conselleira teima que teima en adxudicar a atención a estas persoas a esa empresa en vez de á iniciativa social.Unha mala privatización.Oxalá non lle pase o mesmo á conselleira que está pasando con cursos de formación.

Pórtico, fin de ciclo

Eu son da xeración Pórtico.Os nosos pais foron de " multimueble", formica, gradulux ou Muebles Cyl.Xa non quixemos ser de Ikea.As nosas casas xa estaban postas, se cadra de aquí a vinte anos pasamos a Roche Bobois.Pero coa desaparición de Pórtico algo de nós se vai.A onde iremos agora a botar os ratos mortos, a mercar vasos,, alfombras ou sofás? E sobre todo a onde irán esas duascentas persoas que aínda traballan alí?

Un día calquera

Chove, cun chover que é arroiar!A rotonda do Alcampo de Coia xa parece o Parque de Castrelos, hai parques máis pequenos en Vigo.Abel critica á Xunta, a Xunta critica a Abel.Os tertulianos da mañá da radio son os mesmos da tele pola noite.Andan de medio en medio cantando a verdade oficial, a verdade de cadanseu partido.Aburren ás ovellas.

Caraconismo

Caraconismo es no tomar café si no van al sitio que tu quieres, caraconismo es tomar leche de soja, caraconismo es quejarse de todo y siempre.Caraconismo es vivir amargado e intentar amargar a los demás. Caraconismo es bufar siempre, y a mí la verdad me la bufa!!!

Ébola, por qué Vigo?

En Vigo estamos moi agradecidos de que a Xunta pensase na nosa cidade para crear??? a Unidade do Ébola. Aquí na área sanitaria máis saturada e menos dotada de Galicia,nun hospital con goteiras no que non se fixo ninguna obra.Sen ningunha contraprestación, sen investir un peso máis, sen recuar nun proxecto de hospital semiprivado. Pensaba que tódalas grandes unidades hospitalarias de Galicia se creaban na provincia da Coruña, como as Unidades de Trasplantes que as hai na Coruña, e en Santiago. Pero o señor presidente da Xunta considera que o sitio idóneo para crear a Unidade do Ébola é en Vigo, nun recanto do país. Na cidade en que menos se potencian os vóos internacionais. Na área sanitaria co triple de listas de espera e sen investir un puto peso máis. Xa hai quen di que o único investimento de Feijóo en Vigo foi a súa vivenda no nóo de Isaac Peral, e iso foi antes de ser presidente. Esperamos que a partir de agora non pense no sur só para implantar un foco de podremia nos hospitais máis castigados do país,ós que de cando en vez tamén acode el, e boa parte da súa familia que aínda está censada en Ourense.

Yayo Quesada, unha expo con making off

Poucas persoas levan en sangue tantos leucocitis artísticos como Yayo Quesada Legido.Poucas estirpes hai en Galicia como os Quesada, se cadra os Álvarez Blázquez. Afundación de Vigo acolle no Centro Social a expo que Yayo Quesada inaugurou hoxe.Nado en Vigo no 75 como corresponde a un bo fillo de ourensán, Yayo expón en Vigo logo de dez anos de ausencia".Última obra"çhámase a mostra integrada por obras de gran formato.Na mostra podemos ver calquera dos nosos paraísos cotiáns:as Cíes, as Estelas, Monteferro... Yayo percorreu España, Berlín ou Dublín e recalou aquí.O seu amigo Javier Collazo fixo un seguemento do seu labor creador, un making off da súa exposición.